حد الثماله

فيني من الاوجاع حد الثماله..
اضحك ونا مقبل على الهم والويل
متعودٍ قلبي على سقم حاله..
ماشفت من دنياي بشرى و تساهيل
حتى الفرح ماضن اطري بباله..
ياليت مافي درب وصله تجاهيل
حسبي على منهو شحوح بوصاله..
اعلن شتاتي مارحمني من الويل
قطع فوادنٍ بالموده صفاله..
جريت له شعري ومغنى المواويل
عساه يرحم من تعنى وشكاله..
قلبي واحاسيسي بسجنه معازيل
وانا وروحي ماقوينا قتاله..
ياليل قله صاحبك ضاع بالحيل
تطري على باله ووصلك سؤاله..
لا مايخونك غيرمع نجمة سهيل
هوجاس حبك شوفتك راس ماله..
ياليل شفني خالي الفرح ياليل
وفيني من الاحزان حد الثماله..]]>